|
NOVAS DA Oficina Municipal de Información Xuvenil
____________________________________________________________________________
REDE CULTURAL DEPUTACIÓN 2010 - SORTEO DE ACTUACIÓN:
- SORTEO DUNHA ACTUACIÓN:
A ASOCIACIÓN MONTE DO GATO resultou gañadora da actuación que sorteou o Concello o martes 9 de marzo entre as asociacións rexistradas no municipio e as Comisións de Festas que se anotaron.
- PRAZO DE SOLICITUDE DE GRUPOS INSCRITOS NA REDE CULTURAL 2010.
O prazo para presentar as solicitudes de actuacións dos grupos inscritos na Rede Cultural 2010 da Deputación de A Coruña remata o 20 de marzo de 2010. No caso das Asociacións, poderán solicitar actuacións dos grupos incluídos no XXVII Programa de Música e Teatro para grupos non profesionais todas aquelas entidades sen ánimo de lucro da provincia, que estean xurídicamente constituídas, e que teñan entre as súas finalidades a promoción da cultura.
Os impresos de solicitude pódense atopar en tódolos concellos da provincia, na páxina web da Deputación, www.dicoruna.es , e na propia sede deste organismo (Avda. Alférez Provisional nº 2, 15006 - A Coruña)
------------------------------------------------------------
A XUNTA PON A DISPOSICIÓN DA MOCIDADE GALEGA ARREDOR DE 9.000 PRAZAS PARA OS CAMPAMENTOS E ACTIVIDADES DE VERÁN (de 9 a 35 anos)
máis información: www.xuventude.net
____________________________________________________________________________
(Para calquera dúbida ou información, podes poñerte en contacto coa OMIX no enderezo electrónico omixconcelloozadosrios@yahoo.es, ou no 981 79 20 00 - Responsable: Susana Castro)
ARRANCA XUVENTUR 2010, QUE OFRECE 1.500 PRAZAS PARA AVENTURAS DE FIN DE SEMANA EN CASAS DE TURISMO RURAL
A Xunta de Galicia presenta hoxe Xuventur 2010, un programa de actividades de lecer e tempo libre no que poden participar mozas e mozos de entre 18 e 35 anos, que se vai levar a cabo entre marzo e xuño en diferentes casas rurais de toda Galicia, organizado conxuntamente pola Dirección Xeral de Xuventude e Voluntariado e pola Secretaría Xeral para o Turismo.
Este programa ten o dobre obxectivo de desestacionalizar o turismo rural e abrilo a un segmento da poboación que rexistra, ata agora, unha demanda minoritaria. Tamén permitirá que os participantes coñezan a xeografía e cultura galega a través destas actividades, así como achegarlles a riqueza e a diversidade de Galicia, experiencia que lles servirá para valorar e respectar o noso patrimonio cultural, natural e etnográfico.
Para facer máis atractivo o programa, en cada unha das casas rurais empresas especializadas programarán actividades de ocio e tempo libre para os participantes, como poden ser rutas a cabalo, paintball, tiro con arco, canoas ou sendeirismo.
No Xuventur 2010 participan máis de 150 casas de turismo rural de toda Galicia, que ofertan 1.500 prazas para a mocidade
IMPORTANTE: Para anotarse no programa Xuventur 2010, lembrade que:
1º.- Os números de teléfono ós que debedes chamar para anotarvos son:
881.999.314 e 981.957.057
O horario de atención ás chamadas será de 9:00 a 14:00 h.
2º.- Antes de chamar, elixide o programa e as datas nas que queredes participar, a fin de facilitar e facer máis áxil a reserva de prazas. Podedes consultar toda a información relativa ó programa na páxina www.xuventude.net.
____________________________________________________________________________
CARNÉ XOVE EURO £ 30:
Se tes entre 12 e 30 anos xa podes obte-lo teu carné xove na Oficina Municipal de Información Xuvenil. Este carné, que ten unha validez de 2 anos e un prezo de 6 €, ofréceche numerosas vantaxes e descontos en gran cantidade de servizos e establecementos (tendas, transportes, cine, etc...), así que non o dubides e consegue o teu! Se queres máis información, podes consulta-la páxina www.xuventude.net ou vir directamente á OMIX do teu Concello.
____________________________________________________________________________
PROGRAMA DE INMERSIÓN LINGÜÍSTICA DA CONSELLERÍA DE EDUCACIÓN E ORDENACIÓN UNIVERSITARIA:
Un ano máis, a Consellería de Educación e Ordenación Universitaria convoca axudas dirixidas ao alumnado de centros educativos sostidos con fondos públicos para realizar actividades de inmersión lingüística no ano 2010.
Estas axudas, consistentes en estadías de entre unha e catro semanas en diferentes países (Canadá, Reino Unido, Francia, Alemaña e Irlanda), están dirixidas ao alumnado de 6º de educación primaria; 1º, 2º, 3º e 4º da educación secundaria obrigatoria e 1º e 2º de bacharelato.
Para máis información, poden consulta-las bases da convocatoria no DOG nº 28 do xoves 11 de febreiro de 2010 (
http://www.xunta.es/dog/Dog2010.nsf/0e5fb445f3681a75c1257251004b10d7/
331f4261a68a5e3bc12576c600505ba0/$FILE/02800D008P024.PDF
) ou acudir á Oficina Municipal de Información Xuvenil do Concello.
____________________________________________________________________________
CURSO "PORTUGUÉS PARA NÓS" DA XUNTA DE GALICIA:
A Dirección Xeral de Xuventude e Solidariedade ofrece a posibilidade de realiza-lo curso "Portugués para nós", en liña e gratuitamente, a todas aquelas persoas interesadas en obte-lo diploma acreditativo de coñecemento da lingua portuguesa no nivel de iniciación. Para inscricións e obter toda a información do curso segue a seguinte ligazón:
http://www.portuguesparanos.com/index.php?lang=gl_utf8
____________________________________________________________________________
AULA DE INFORMÁTICA
HORARIO ATA O 1 DE MARZO DE 2010
|
luns |
martes |
mércores |
xoves |
venres |
| de |
9:00 |
9:00 |
10:00 |
10:00 |
10:00 |
| a |
14:00 |
14:00 |
14:00 |
14:00 |
14:00 |
| |
|
|
|
|
|
| de |
16:45 |
17:45 |
15:30 |
15:30 |
15:30 |
| a |
19:00 |
19:00 |
19:00 |
17:45 |
17:45 |
___________________________________________________________________________
ACTIVIDADES EXTRAESCOLARES DO CONCELLO – CURSO 2009/2010:
Para o curso 2009-2010 xa non quedan prazas, aínda que se estás interesado en participar nalgunha actividade non dubides en comunicárnolo, por se no futuro se crean novos grupos.
Para máis información ou inscricións chamen ó Concello ( 981 79 20 00 ) e pregunten por Susana. | 
Cultura
