Dendo o mes de xaneiro , as empresas Mandeo Records e Aira Dixital están a impartir o I Curso de Produción Audiovisual do Concello de Oza dos Ríos.
Neste curso, que é principalmente práctico , os alumn@s conformaron un equipo de rodaxe (produción, dirección de fotografía, sonidistas, script, montadores, etc..) para poder levar a cabo os seus propios proxectos (curtametraxe, longametraxe, documental...)
No enlace http://mandeorecords.blogspot.com , poderedes ver as prácticas realizadas ata o de agora, que son:
- GANDEIROS : con don Luis de Recarey coma protagonista, e onde contamos coa inestimable colaboración de José Luis Caamaño Castro , sen dúbida un dos mellores cámaras e directores de fotografía do audiovisual galego.
- Dobraxe de KILL BILL : cos alumn@s do curso coma locutores.
O próximo proxecto, que é ademais o máis ambicioso e pedra angular do curso, é a rodaxe dunha curtametraxe de ficción titulada " FOUCELLAS, UN CAFÉ DE POTA?" , baseada nalgúns aspectos da historia do famoso fuxitivo cando andivo por estas terras de Oza.
A rodaxe comezou a fin de semana do 17 de abril no bar "Sixto ", en Aranga, a cuxos donos agradecemos dende aquí a súa inestimable colaboración.
