FORMACIÓN AUDIOVISUAL PARA A INFANCIA E A MOCIDADE - PROGRAMACIÓN 2010:
O Departamento de Cultura, en colaboración coa OMIX, presenta o programa de formación audiovisual non regrada para o 2010:
Dado o enorme éxito que tivo a primeira edición do "Curso de Produción Audiovisual – Rodaxe de curtametraxes" e a posterior demanda de máis accións formativas deste tipo por parte da poboación (especialmente a xuvenil), decidiuse seguir fomentando dende o Concello a creación audiovisual e as novas formas de expresión, para o que programamos a oferta formativa do 2010 en base a dous cursos, que serán impartidos por Dani López (Mandeo Records) e Érica Esmorís (guionista):
-
Curso de "Stop Motion" para nen@s a partir de 4 anos (15 prazas). Actividade programada para que xa dende pequenos se familiaricen coa creación nestes formatos e poidan desenvolver habilidades e destrezas que lles poidan servir nun futuro, ademais de, por suposto, disfrutar do compoñente lúdico da actividade.
-
Obradoiro práctico de Documentais para maiores de 14 anos (20 prazas). Esta actividade está pensada para que @s alumn@s do curso de 2009 que estean interesados poidan seguir formándose neste eido, ó mesmo tempo que nov@s alumn@s descubran as posibilidades da linguaxe cinematográfica, neste caso a través dos documentais.
